04 08 2023 «Поро эр, Марий Эл» (Финн-угор йоча лагерь)
Марий Элыште финн-угор калыкын тӱнямбал йоча лагерьже шке пашажым мучашлен. Тудо 27-ше июль гыч 3-шо август марте «Авангард» йоча рӱдер пелен эртен. Тений 130 наре йочам тудо шке йырже поген. Финн-угор лагерь йоча-влакым ваш келшен, пырляште илаш кумылаҥда. Икте-весым умылаш, кугурак-влакым пагалаш туныкта. Тыгак тудо финн-угор калыкын историйже, тӱвыра да йӱла ойыртемже нерген каласкала. (Фотом «Эр вий» йоча да самырык ушемын тӱшкаже гыч налме)