01.12.2022 "Кечывал радиоканал" (Гость студии - заслуженный журналист РМЭ Семёнова Л.В.)

27-ше ноябрьыште Марий Элын сулло журналистше Лидия Семёнова 60 ияш лӱмгечыжым палемдыш. Лидия Васильевна ӱмыржӧ мучко газет пашаште тырша. Эн кугу пагыт «Ямде лий» йоча газетлан пуалтын. Тушто 28 ий тыршен. 23 ийже тӱҥ редакторлан. «Кугарня» газетыште 6 ий пашам ыштен. 1 ий тӱҥ редакторлан. Кызыт тудо «Марий Эл» газетын журналистше. Шке пашажлан ӱшанле улмыжо нерген Лидия Васильевна вияш эфирыштына каласкалыш.