05 10 20223 «Эркече» (Йошкар-Олинский ТТК)

Таче, Туныктышо-влакын пайрем кечынышт, Йошкар-Оласе торгово-технологический колледжын пашаже, уста марий туныктышыжо-влак дене палымым ыштена. Шке предметыштым туныктымо деч посна нуно колледжын илышыштыже кугу чолгалыкым ончыктат, студент-влакым тӱрлӧ могырым шуараш тыршат. А эше тунемме тӧнежыштышт марий шӱлышым аралат, самырык-влакым марла мутланаш, марий конкурслаште таҥасаш таратат. Пайремда дене, пагалыме туныктышо-влак!