Юрий Зайцев ден Ксения Шойгу Марий Элыште триатлоным вияҥдыме йодышым каҥашеныт

                Юрий Зайцев ден Ксения Шойгу Марий Элыште триатлоным вияҥдыме йодышым каҥашеныт. Правительстве пӧртыштӧ Марий Элым вуйлатыше Юрий Зайцев ден  Республикыш паша дене толшо Российысе триатлон федерацийын президентше Ксения Шойгу пашаче вашлиймашым эртареныт. Нуно иймашым, куржталмашым да велосипед дене таҥасымашым иктеш ушен шогышо спортым- триатлоным республикыште вияҥдыме йодышым онченыт. Юрий Зайцев палемден: спорт ден физкультурылан республикыште кугу вер ойыралтеш. Триатлон- кундемыштына  писын вияҥше спорт. Тиде спортыш ушнышо- влак кажне ийын ешаралт шогат. Республикыште Россий кӱкшытан таҥасымаш- влак эртаралтыт. Марий спортсмен- влак чапле лектышым ончыктат. Ксения Шойгу республикыште спортым вияҥдымылан тауштен да республикыште таҥасымаш- влакым эртараш, йоча триатлоным да регионысо федерацийым вияҥдаш полшаш ямде улмыжо нерген увертарен.
             Фото: Марий Элым вуйлатышын  администрацийжын увер дене пашам ыштыше пӧлкаже.