Воин Чап Мемориал ансамбль кундемыште Оласе строй да муро смотр эртен

           Теҥгече Воин Чап Мемориал ансамбль кундемыште Оласе строй да муро смотр эртен. Тений Йошкар-Ола торжественный шествийлан гына огыл ямдылалтеш, тыгак Кугу Сарыште сеҥымылан 79 ий теммым пайремлымылан пӧлеклалтше «Шарнымаш вахте» муниципал граждан- патриот акцийын мероприятийже- влак комплексым почын. Тиде кече гыч 9-ше май марте тунемше, студент, сарзе-патриот ушем- влакын еҥышт Курымашлык тул да Воин Чап Монумент воктене почётан караулышто шогаш тӱҥалыт. Парад шествийым 6-шо-7-ше классыште тунемше- влак почыныт. Изирак ийгот тӱшкаште сеҥыше- влак «Ветеран- влакын окнашт ончылно парад» кӱлешан да ответственный акцийыште участвоватлаш тӱҥалыт да Сеҥымаш кечын пӧрт гыч лектын кертдыме герой- влакым саламлат. Кугырак ийготан тӱшка гыч эн сай кум еҥ 9-ше майын Йошкар-Олаште торжественный таҥошкылмаште участвоватлат.
                Фото: Йошкар-Ола администраций.