Российысе регион- влак коклаште догазификацийым шуктымо дене Марий Эл кум эн ончыл регион коклаш пурен

                Российысе регион- влак коклаште догазификацийым шуктымо дене Марий Эл кум эн ончыл регион коклаш пурен. Марий Элым вуйлатыше Юрий Зайцев Россий Правительстве председательын алмаштышыже Александр Новакын эртарыме газификаций шотышто федерал штабын заседанийыштыже лийын. Видеоконференций йӧн дене заседанийын участникше- влак догазификаций  программым шуктымо, южо категорий еҥ- влаклан социал полышым пуымшо шотышто йодыш- влакым каҥашеныт. Догазификаций мероприятийым шындарыме дене регион- влакын рейтингыштышт Марий Эл ужар зонышто улеш, элысе регион- влак коклаште кумшо верым айла. 15-ше апрельлан шотлымаште догазификаций программыш 8 тӱжем утла йодмаш пурен, мланде участкын чекше марте  597 илемыште куд тӱжемат 756 йодмашым шуктымо, тушечын 5 тӱжемат 525 суртшым газ деке ушымо. Республикыште догазификацийлан социал полыш мера- влак улыт. Льготан категорий еҥ- влаклан шӱдӧ тӱжем теҥге марте тӱлат, тыгак кредитын процент ставкыжым субсидироватлат.
             Фото: Марий Элым вуйлатышын  администрацийжын увер дене пашам ыштыше пӧлкаже.