Марий Эл гыч кучедалше- влак Россий кӱкшытан таҥасымашыште 14 медальым сеҥен налыныт

           Марий Эл гыч кучедалше- влак Россий кӱкшытан таҥасымашыште 14 медальым сеҥен налыныт. Греко-рим кучедалмаш дене ӱчашымаш 18 ияш марте рвезе- влак коклаште Воткинск олаште эртен. Чылаже элысе 23 кундем гыч 300 утла кучедалше вашлийын. Марий Эл гыч спорт кучедалмаш дене спортшколын, Волжскын да Олимпий резерв училищын спортсменже- влак миеныт. Шӧртньӧ медальым Волжск гыч Александр Дерябин, Тимур Лебедев, Богдан Петров, Йошкар-Ола гыч Артём Смирнов, Георгий Козицын, Богдан Мустаев налыныт. Кокымшо вер Волжск гыч Владимир Исаев, Матвей Кузнецов, Александр Кудрявцевлан, Йошкар-Ола гыч Илья Лисоклан, Максим Лебедевлан логалын. Кумшо верыш Йошкар-Ола гыч Никита Готовцев, Волжск гыч Кирилл Блатцев, Егор Юшков лектыныт.
          Фото: Спорт-туризм министерстве.