25 12 2019 "Вашкыл" [слушать]

2019-ше идалык мучашке лишемеш, а лач тиде жапыште ме паша лектышнам иктешлена да ончыкылык нерген шонена. Тений ола ден районлаште калыклан илаш йӧнанрак лийже манын, шуко мо ышталтын. Социал сферыште, ял озанлык пашаште, туныктымаште, тӱвыра аланыштат сай вашталтыш-влак лийыныт. Тидын нерген Марий радион поро йолташыже-влак «Вашкыл» передачыште каласкалышт. Тиде гана ме телефон дене Шернурыш, Звенигово олашке да Оршанке районышко йыҥгыртышна. Ирина Казанцева, Светлана Гаврилова да Эрик Бердников дене кылым ыштышна. Паша шотышто гына огыл, У ий пайремлан кузе ямдылалтме нергенат ойлышна.