10 04 2019 «Вашкыл» [слушать]
Тиде гана «Вашкыл» передачына Шернур, Провой да Параньга кундемла гыч увер-аҥар дене палдара. Мемнан ик эн поро йолташна - тиде «Шернур вел» райгазетын тӱҥ редакторжо Ирина Казанцева, Провой кундем гыч Лидия Ватютова, Параньга посёлок гыч Эльвира Борисова тӱрлӧ темым нӧлталыт. Ирина Казацева гын, поснак гармоньчо-влакын конкурсшо кузерак эртыме нерген пеш оҥайын каласкала. А Лидия Ватютова Карина уныкаже дене Моско олашке миен коштыныт. Нуно «Сем мастарын шулдыржо» фестивальын унаже лийыныт да 3-шо степенян Дипломым сеҥен налыныт. Карина инвалид йоча, мурым шке шона, шкеак мура. Эльвира Борисова историй предметым туныкта, шке пашажым пеш йӧрата…