21 04 2021 "Поро эр, Марий Эл" [слушать]

Ялыште вашке кӱтӱ тарвана. А олыкыш лекме деч ончыч вольыкым тӱрлӧ черлан тергат, прививкым шындат. Ушкалже, шорыкшо, казаже да молыжынат тазалыкыштым ветеринар эскера. Оршанке район Тошто Крешын ветучасткым ынде ятыр ий чолга марий ӱдырамаш Ираида Александровна Федорова вуйлата. Фельдшер семынак ветеринар ялыште ик эн кӱлешан специалист. Вет вольыкын тазалыкше деч айдемын тазалыкшат шога.