09 07 2021 "Поро эр, Марий Эл" [слушать]
Тимофей Евсеев лӱмеш калыкле тоштер курымашлык лӱмгечыжлан пуйто у шӱлышым налын. Эсогыл у технологий почеш диараме-шамыч йӱкаҥыныт. Экскурсий годым аза малтыме мурым, тӱрлӧ пайрем семым, йомакым колышташ лиеш. «Мелодии лесного края» лӱман у проект марий калыкын илыш йӱлажлан пӧлеклалтше экспозиций негызеш шыҥдаралтын. Тиде зал ик эн йодмашанлан шотлалтеш, ик еҥынат кумылжым савырыде ок кодо. Мыят тушто уна лийым, этнографий пӧлкан кугурак шанче пашаеҥже, историй науко кандидат Надежда Васканова дене мутым вашталтышна.