Юл эҥер дене «Валдай» Чыкмашке Угарман гычат Чебоксар гычат коштеш
Россий Правительстве вуйлатышын алмаштышыже Дмитрий Чернышенко Угарман гыч Козьмодемьянскыш Валдай дене маршрутлан тӱҥалтышым пуэн. Таче кок регион коклаште Юл эҥер ден вӱдйымал шулдыран судно дене рейсым почмо. Торжественный церемонийыште Юл кундем округын кураторжо, Россий Правительство председательын алмаштышыже Дмитрий Чернышенко, Юл кундем округышто Россий президентын полномочный представительже Игорь Комаров, Угарман областьын губернаторжо Глеб Никитин лийыныт.
А кокымшо июнь гыч Чебоксар гыч Козьмодемьянскыш да Юриныш Юл эҥер дене «Валдай» кошташ тӱҥалеш. Вӱдйымал шулдыран судно пассажир- влакым 2-шо июнь гыч 20-шо август марте Марий Элыш да мӧҥгешла шупшыкта. Чебоксар гыч изарня еда 14 шагатлан тарвана, а Козьмодемьянск гыч Чебоксарыш 17 шагатат 30 минутлан лектеш. Корнышто тудо ик шагат лиеш. Тыге турист- влак Чыкма олам кок шагатат 30 минут ончен кертыт. Тиддеч посна Юл серысе тошто олам Валдай дене Чебоксар- Козьмодеьянск- Макарьево села- Чебоксар маршрут дене кайыше- влакат ончен кертыт. Тудыжо шуматкечын нечётный арнян коштеш. А кумшо июнь гыч Чебоксар гыч Юриныш маршрутым колтымо. Тудо кугарня еда коштеш. Чуваш рӱдӧ ола гыч 8 шагат эрдене лектеш, Юриныш 9 шагатат 20 минутышто толын шуэш. Мӧҥгешла 13 шагатлан кая.
А кокымшо июнь гыч Чебоксар гыч Козьмодемьянскыш да Юриныш Юл эҥер дене «Валдай» кошташ тӱҥалеш. Вӱдйымал шулдыран судно пассажир- влакым 2-шо июнь гыч 20-шо август марте Марий Элыш да мӧҥгешла шупшыкта. Чебоксар гыч изарня еда 14 шагатлан тарвана, а Козьмодемьянск гыч Чебоксарыш 17 шагатат 30 минутлан лектеш. Корнышто тудо ик шагат лиеш. Тыге турист- влак Чыкма олам кок шагатат 30 минут ончен кертыт. Тиддеч посна Юл серысе тошто олам Валдай дене Чебоксар- Козьмодеьянск- Макарьево села- Чебоксар маршрут дене кайыше- влакат ончен кертыт. Тудыжо шуматкечын нечётный арнян коштеш. А кумшо июнь гыч Чебоксар гыч Юриныш маршрутым колтымо. Тудо кугарня еда коштеш. Чуваш рӱдӧ ола гыч 8 шагат эрдене лектеш, Юриныш 9 шагатат 20 минутышто толын шуэш. Мӧҥгешла 13 шагатлан кая.