Тошто пӧртла гыч кусарыме еҥ- влаклан у пачерым Петров уремысе у пӧртыштӧ пуат

        Тошто пӧртла гыч кусарыме еҥ- влаклан у пачерым Петров уремыште у шуко пачеран пӧртыштӧ пуат. Йошкар-Олаште аварийный илыме вер гыч калыкым кусарыме программе умбакыже шыҥдаралтеш. Кызыт 2017-ше ий икымше январь марте аварийныйлан шотлымо пӧртла гыч кусарат. Кусарыме шотышто 2025-ше ий марте палемдыме федерал программым 2023-шо ийыште мучашлаш шонат. Тиде жапыште рӱдӧ олаштына 63 пӧрт гыч калыклан пачерым пуышаш улыт. Пелыжым тымарте кусарыме. Мэрийын ончыктымыжо почеш кызыт Петров уремыште чоҥалтше шуко пачеран пӧртыштӧ программын кумшо йыжыҥже почеш калыклан пуышаш пачер- влак улыт. 540 еҥым кусараш палемдыме.