Курык марий районышто коммунал шӱк-куштырам перерабатыватлыше мобильный линийым ыштыме лиеш

                    Курык марий районышто коммунал шӱк-куштырам перерабатыватлыше мобильныый линийым ыштыме лиеш. Марий Элым вуйлатыше Александр Евстифеев республикысе пӱртӱс поянлык, экологий да йырым йырысе средам аралыме шотышто министр Алексей Киселёв дене пашаче вашлиймашым эртарен. Нуно «Экологий» калыкле проектын «Пеҥгыде коммунал шӱк-куштра дене пашам ыштыме комплексан системе» проектым шыҥдарыме йодышым каҥашеныт. Министр Алексей Киселёв увертарен: шӱк-куштыра дене пашам ыштымаш тудым ойыркалыше 4 комплексым чоҥымаш дене кылдалтеш. Федерал схемым пеҥгыдемдыме деч вара, республикыштына 2024-ше ийлан кочкыш да моло отходым компостироватлыме кугу площадкым ышташ задачым шындыме. Чоҥымаш посна инвесторын оксаже кӱшеш чоҥымо лиеш, очыни,- каласен министр. Александр Евстифеев Курык марий район ден Козьмодемьянск олам обслуживатлыше комплексым чоҥымо жап нерген умылкален. Министрын мутшо почеш, комплекс тенияк лийшаш. Тудо ола воктелсе полигон негызеш ышталтеш. Тиде мобильный линий лийшаш. Ола ден район кумдыкышто шӱк-куштыра талукышто вич тӱжем тонн деч шуко ок погыно. Сандене капитальный объектым чоҥаш ок кӱл манын шонымо. Лач площадкым ышташ да тушан модульым монтироватлаш лийме. Тудо куштырам тичмаш ойыркала. Модульым кондаш инвестор ойпидышым кылден. Июль-августышто монтироватлаш тӱҥалыт- ешарен Алексей Киселёв. Вашлиймашыште экологий дене кылдалтше моло йодышымат каҥашыме.
Фото: https://www.marpravda.ru/