Эн сай зоотехник- влакым ойыраш тӱҥалыт

                   Республикыштына эн сай зоотехник-селекционер- влакым ойыраш тӱҥалыт. Зоотехник-селекционер- влак коклаште профессий шот дене эн сай лӱм верч конкурс лиеш. Мероприятий 27-ше апрельыште эрта. Конкурсышто сеҥыше Марий Элын чапшым Озаҥ олаште июньышто лийшаш Россий кӱкшытан таҥасымаште аралаш правам налеш. Конкурсым республикысе ял озанлык министерстве ден «Поволжье» Биогенетик рӱдер» ушем эртарат. Таҥасыше- влак теорий шинчымашым, урлыкаш вольыкым ончымо пашам виктарыме электрон увер да аналитике системе дене ыштен моштымым, вольыкым ойыркален кертмым ончыктат. Конкурс нерген рашырак 45-31-21 номеран телефон дене пален налаш лиеш.
Фото: inshahovskoe.ru