Чоҥымаш министерстве у проектым пашаш колта

                Чоҥымаш министерстве у проектым пашаш колта. Шокшо линий 19-ше апрель гыч 30-шо май марте сутка мучко ышташ тӱҥалеш. Оксам тӱлыдыман 8 800 600 20 13 номер дене Российысе тӱрлӧ кунмдемыште илыше еҥ- влак йыҥгыртен кертыт. Шокшо линий За.городсреда.ру платформышто йӱклымаш тӱҥалме деч ик арня ончыч почылтеш. Калыклан платформын пашаже, рейтинг йӱклымаш шотышто умылтарымаш пуалтеш. Йӱклашлан Россий кӱкшытан тыгай единый платформо икымше гана ышталтеш. Тыге 14 ийым темыше элысе кажне еҥлан эн ончыч тӱзландарышаш кумдык але проект шотышто йӱкым пуаш йӧн ышталтеш. Тыге чынжымак кӱлешан тӱшка кумдыкым ойырен налаш лиеш. Умылтарымашым волонтёр- влакат пуэн кертыт. Йошкар-Олаште 135 еҥ полышым пуаш тӱҥалеш. Нуно йӱклышаш объект- влак шотышто умлытарымашым пуат, «Оласе йӧнан кумдыкым ыштымаш» федерал проект нерген каласкалат, верыштак йӱклаш полшен кертыт. Тидлан телефон номерым гына каласаш кӱлеш.
Фото: https://www.marimedia.ru/