28 08 2019 «Вашкыл» [слушать]
Молгунамсе семынак ме таче тендам икмыняр районласе илыш нерген кумданрак палдарена. Ме Звенигово олашке Марий радион поро йолташыже Светлана Гаврилова деке йыҥгыртена. Светлана Васильевна Звенигово районын 95 ияш лӱмгечыжым кузе палемдыме нерген каласкала. А "Шернур вел" райгазетын тӱҥ редакторжо Ирина Казанцева районышто уржа-сорлам эртарыме, телылан ямдылыме паша нерген ойла, у тунемме ий вашлийме шотыштат каласкала. Тыгак тиде гана ме, телефон йӧн дене пайдаланен, Морко район дене вашкылым ыштена. Николай Мухинын тоштерже нерген тудын вуйлатышыже Валерий Михайлов каласкала. Передачынан эше ик лаштыкше пӱртӱс тӱнялан пӧлеклалтеш. «Кугу Какшан» заповедникын кугырак шанче пашаеҥже Геннадий Богданов марий кундемыште вашлиялтше икмыняр кайык нерген каласкала.