19 06 2019 «Вашкыл» [слушать]

Черетан «Вашкыл» передачыштына Морко посёлкышто эртыше Марий митрополийын Икымше Миссионер погынымашыже нерген ойлышна. Тудын нерген мыланна, телефон йӧн дене пайдаланен, Марий радиошто йоҥгалтше «Чаҥ» передачын авторжо Алевтина Таныгина каласкален. Икымше Миссионер съездын кузе эртымыже да тудын шонымашыже нерген марий батюшка-влак ойлышт. А вара ме вашкылым Марий радион поро таҥже Надежда Лежнина дене ыштенна. Надежда Алексеевнан йӱкшӧ радиом колыштшо йолташна-влаклан моткоч палыме. Ятыр ий тудо район газетыште тыршен, радиоорганизатор лийын. А кызыт Надежда Алексеевна Упшо селасе тӱҥ школын директоржо.