20 07 2019 Шуматкече вашлиймаш [слушать]

Тиде гана ме Марий радион студийышкыже Марий Эл Кугыжаныш премийын лауреатше, изи-влакым мураш туныктышо,мурызо Лариса Сидоркинам ӱжынна. Тудо пеш оҥайын шке пашаже нерген каласкала, икшыве-шамычым рушла гына огыл,марлат мураш туныкта. Шкеже сай ава, пелаш, кум йочаже ,ик уныкаже уло. Кум икшывыжат Озаҥ оласе консерваторийым тунемын лектыныт. Передачыште кум у мурыжо йоҥалтеш: «Йоча жапем», «Муралташ гын, муралташ», «Каласал тый,каласал». Программым Вячеслав Кольцов вӱден.