4 12 2019 "Поро эр, Марий Эл" [слушать]
Тиде кечылаште республикыште инвалид-влакын декадышт эрта. Тудын дене кылдалтше мероприятий-влак радамыште иктыже нерген кумданрак ойлымо шуэш. Тиде «Гусельки» лӱман республикысе инклюзивный йоча усталык фестиваль. Фестиваль шке йырже кундемнан чыла луклаж гыч талантан икшыве-влакым чумырен. Икмынярышт дене мый тендам палдарынем. Тиде Юлсер кундем гыч Лиза Иванова, Медведево гыч Илья Ортин, Параньга район гыч Виктория Романова. Йошкар-Оласе реабилитаций рӱдерын «Озорные лучики» ансамбльже икымше гана кугу сценышке лектын да сеҥымашышке шуын. Тиде рӱдерын пашаж нерген передачыштына кумданрак ойлена. Вет тудо шке 25 ияш лӱмгечыжым палемда.