29 07 2019 Поро эр, Марий Эл [слушать]

Тиде кечылаште Йошкар- Олаште Сергей Карякинын шахмат школыштыжо икымше гана шахмат дене Россий кубокын йыжыҥже эрта. Турнирым кугу опытан судья-шамыч аклат. Нунын коклаштак Василий Ибраев уло. Шахмат – тиде чынжымак, тыглай модыш веле огыл, уш-акыл пӱсылыкым вияҥдаш полшышо спорт. Тудын дене кылым кучышо йоча-влак ончыко ужын мошташ тунемыт. Ончыко ончат тыгак кадет класслаште тунемше ӱдыр-рвезе-влак. Республикысе ятыр школышто тыгай класс уло. Нунын радамышкак Советский районысо Ургакш селасе лицей-интернатым шотлыман. Таче ме тиде школышто ятыр ий туныктышылан пашам ыштыше, а шукерте огыл сулен налме канышыш лекше Зоя Алексеевна Мамаева дене кадет-шамычым туныктымо шотышто вашмутланымашым колышташ темлем.