27 11 2019 Поро эр, Марий Эл [слушать]
Пашаче кумылан, тыршыше еҥ-влакым моктыде огеш лий. Нуно эре пример шотеш лийыт. Тиде радамышкак пурташ лиеш Галина Богдановам. Галина Андреевна Советский районысо «У илыш» колхозышто тунам онча. Ятыр ий сайын пашам ыштымыжлан тиде тыматле койышан марий ӱдырамашым «Марий Эл Республикысе ял озанлыкын сулло пашаенже» чап лӱм дене палемденыт. Передачын икымше ужашышытыже Галина Андреевна дене вашмутланымашнам колышташ темлем. Тыгак те тиде гана Москошто эртыше «Абилимпикс» Визымше Калыкле чемпионат нерген пален налыда. Тушто Марий Кундем гыч участник-влак шым медальым сеҥен налыныт. Рӱдолашке миен коштмо нерген Начарын ужшо-влаклан республикысе тӱвыра да спорт реабилитаций рӱдерын пашаеҥже Марина Ятманова каласка. Тиде чемпионатыште тудо массажист Татьяна Собянинам ужатен коштын ыле.