27 02 2019 Поро эр, Марий Эл [слушать]
Февраль кыдалне Афганистан гыч совет войска-влакым лукмылан 30 ий темын. Тидлан пӧлеклалтше мероприятий-влак уло элна мучко эртеныт. Афган сар лу ий шуйнен, тиде пагыт шуко ешлан ойгым, шинчавӱдым конден. Марий кундемыште илыше еҥ-влакын чоныштыштат тудо неле кышам коден. «Кызытат Афганистан нерген шарналтен колтымо еда чон нелын коржеш…» - ойлат тиде пуламыр гоч эртыше ветеран-влак. Икмынярышт дене мый палымым ыштынем. Афган сарым эртыше Владимир Эчейкин, Эрик Максимов да Владимир Стемплевский «Беркут» лӱман сарын инвалидше-влакын Российысе организацийыштын Марий Элысе пӧлкаштыже улыт. Нине пӧреҥ-влаклан сар корным эрташ, сусыргаш логалын гынат, нуно нелылык ончылно вуйыштым сакен огытыл, пеҥгыдын ончыко каеныт. Ветеран-влак дене мый Республикысе призывной пункт пелен кокымшо пачаште верланыше «Шарнымаш» тоштерыште вашлийынам.
Загрузка плеера