26 06 2019 Поро эр, Марий Эл [слушать]

Кызыт школышто йоча йӱк шагалрак шокта – каникул жап.  Изирак-шамыч канат гын, выпускник-влак ончылно тунемме тӧнежым але пашаверым ойырымо жап. Эфир йогын дене пайдаланен, ме таче Медведево район Шойбулак селашке, верысе школышко, миен савырнена. Тудын илышыже нерген ойлаш тӱҥалына. А тидын деч ончыч мый тендам Шойбулак школ кудывечышке пурымаште шогышо памятник дене палдарынем. Тудым Кугу Отечественный сар годым вуйым пыштыше 3-шо запасной авиаполкын лётчикше-влакым шарныме лӱмеш шындыме.