25 07 2019 Поро эр, Марий Эл [слушать]
Календарь почеш кажне кечын могай-гынат пайрем палемдалтеш. Теве эрла парашютист-влакын кечышт. Могай самырык еҥ, а кунамже ийготым погышыжат, юж нерген огеш шоно вет? Республикыштына парашют спортын шочмыжо да вияҥмыже нерген ДОСААФ-ын регионысо пӧлкажым вуйлатышын сомылжым шуктышо Вячеслав Тихонов дене мутланымашым колышташ темлем. Тений кеҥежым игече шокшо кече дене огеш куандаре гынат, отпуск ден каникулым нигӧ чарен огыл! Тыгай шонымаш денак Йошкар-Оласе турист да увер рӱдерын пашаеҥже-влак илат. Кеҥежым паша тӱвыра пашаеҥ-шамычынат ятыр. Тидым Шернур тӱвыра пӧртын уста пашаеҥже Виктория Мамаева пеҥгыдемда.