25 04 2019 Поро эр, Марий Эл [слушать]
2019-ше ийыште Марий Элыште «Демографий» национальный проект илышыш шыҥдаралтеш. Тушко икмыняр федерал проект пура. Иктыже – «Кугурак тукым» лӱман программа. Тудын дене келшышын, пенсий ийготыш лишемше-влаклан ешартыш шинчымашым налаш чыла йӧным ыштат. Кугыжаныш оксам ойыра, пашаверым ситарыме шотышто рӱдер-влак пашапуышо да тунемме тӧнеж-влак дене ой-пидышым ыштат, чонеш пижше профессийлан тунем лекташ полшат. Кузе тиде программышке логалаш, мом тидлан ыштыман? Нине йодыш-влакым ты рӱдер вуйлатышын алмаштышыже Любовь Боякова рашемдаш полшыш…