25 03 2019 Поро эр, Марий Эл [слушать]
Передачын икымше унаже Марий кундемнан тӱвыраже ден сымыктышыжым вияҥдымашке кугу надырым пыштен да келге кышам коден. 30 ий наре Марий телевиденийыште пашам ыштыме жапыштыже тудо калыкын ик эн йӧратыме вӱдышыжӧ лийын. Мотор чурийвылышан, ласка да ныжылге йӱкан тиде ӱдырамаш - кеч уверым лудын, кеч «Шӱмсем пӧлек» передачышке пурышо серышым – телевизорым чӱктышӧ кажне суртышко поро йолташ семын пурен, кажне шомакшым калык деке намиен шуктен. Мутем Марий телевиденийын ондаксе дикторжо, Марий АССР-ын сулло артисткыже Роза Викторовна Рябцева нерген. Кузе тудо тачысе кечын ила? Чӱчкыдын мо шарналта телевиденийыште пашам ыштымыжым? Тидым таче ме рашемдена… Роза Рябцева кеҥежым, сад-пакча тургымым вучен илем манын ойлыш. Шукынжо кызыт тыгай шонымаш дене илат докан. А могай лиеш тений кеҥеж? Пӱртӱс деч мом тений вучыман? Нине йодыш-влакым ынде ятыр ий игечым эскерышке, шкешотан шымлымаш пашам эртарыше Геннадий Рыбаковлан пуэна.