23 01 2019 Поро эр, Марий Эл [слушать]

Поро йӱла почеш телым тунемше-влакын олимпиадышт эрта. Тудын регионысо этапше февраль мучаш марте шуйна. Олимпиадыш 21 предметым пуртымо. Нунын кокла гыч шукылан ик эн оҥай да тыгодымак куштылгыжак огыл предметлан историй шотлалтеш. Самырык историк-влак коклаште тергымаш кодшо арня мучаште эртыш. Тудым жюрин еҥже Марий Эл Республикын туныктыш да шанче министерствыжын тӱҥ специалист-экспертше, историй науко кандидат Сергей Константинович Свечников иктешла. А передачынан кокымшо ужашыштыже те уста туныктышо дене палыме лийыда. Эльвира Васильевна Борисова Параньга кыдалаш школышто пашам ышта, тудо шке тунемшыже-влакым Йошкар-Олашке историй дене республикысе олимпиадышке конден ыле.