21 10 2019 Поро эр, Марий Эл [слушать]

А те кином ончаш йӧратеда? Киножат вет тӱрлӧ лиеш. Икте утларак художественныйым онча, весе документ-влак негызеш ышталтшым эскера. А кӧ гын, шкеак кином войзаш кумылаҥеш. Кином йӧратыше-влаклан иквереш чумыргаш, икте-весыштын пашаштым ончаш пеш сай йӧн лийын кодшо арня мучаште Йошкар-Олаште. 17-ше да 18-ше октябрьыште рӱдолаштына икымше гана «Вековой рубеж» лӱман регион-влак кокласе кинофестиваль эртен. Тудо Марий Эл Республикын 100 ияш лӱмгечыжлан пӧлеклалтын. Республикысе колыштмо-ончымо, документ-влакым аралыше кугыжаныш архив тиде фестивальым эртараш пеш кугу пашам ыштен.