20 02 2019 Поро эр, Марий Эл [слушать]

Икмыняр кече гыч 23 февральыште ме Элым аралышын кечыжым палемдаш тӱҥалына. Поро йӱла почеш тиде пайрем годым ме лишыл еҥна-влакым саламлена: ачанам, кочанам, иза-шольынам… Чылаштым, кӧ Армий радамыште служитла, кӧ ондак салтак корным эртен да кызыт тидлан шкенжым ямдылен шога. Поро шомак, сай кумыл – пӧръеҥ –влаклан эн вучымо, кугу пӧлек. Лач тидым пеҥгыдемдыш Йошкар-Ола уремыште возымо йодышмаш. Йошкар Армийын шочмо кечыжымкалык кузе вашлияш ямдылалтеш? Тидын нерген передачынан икымше ужашыштыже колыштса, а кокымшыштыжо те, палагыме йолташна-влак, марий калыкын чолга эргышт дене, пожарный-влак Илья Глазырин да Евгений Речкин дене палыме лийыда. Коктынат нуно Йошкар-Олаште верланыше Специализированный пожарно-спасательный частьыште пашам ыштат.