19 06 2019 Поро эр, Марий Эл [слушать]
Тиде арнян Йошкар-Олаште самырык возгалыше-влакын «Марий юнкор» слётышт эрта. Тӱрлӧ район да пошкудо регионла гыч толшо икшыве-влакым икгай шонымаш уша: у йолташ-влакым муаш, журналист, поэт-писатель-влак дене палыме лияш да мыняр-гынат нунын моштымашыштлан тунемаш. Марий Эл Россий кӱкшытан «Шарнымаш кормыж» лӱман военно-патриотический акцийышке ушнен. Тудын нерген кумданрак Республикысе сарзе комиссарын полышкалышыже Аркадий Курочкин кумданрак палдара. Марий Элын калык артистше, уста семмастар, Марий кундемнан тӱвыра ден сымыктышыжым вияҥдымашке кугу надырым пыштыше Павел Тойдемарын шочмыжлан 120 ий темын.