18 07 2019 Поро эр, Марий Эл [слушать]

Шушаш шуматкечын Советский районысо Алексеевский поселко шке 70 ияш лӱмгечыжым палемдаш тӱҥалеш. Чыланат палат: ик пайремат тӱвыра пашаеҥ-влак деч посна огеш эрте. Сандене пайрем мероприятий да Алексеевскийын илышыже нерген верысе тӱвыра пӧртын вуйлатышыже Ирина Сунгурова деч рашемдышна. Валентина Смирнова - Алексеевский клуб пеленсе «Вӱд эҥер» ансамбльын ик эн чолга участницыже. Шкеже Марий Турек велым гынат, Советский районым вияҥдымашке кугу надырым пыштен. А теве Шернур районын историйжым, верысе калыкын илыш-йӱлажым посёлкысо Йоча усталык пӧртын туныктышыжо Анастасия Глазырина сайын пала.