18 04 2019 Поро эр, Марий Эл [слушать]
2014-ше ий гыч республикыштына «Верысе инициатива» лӱман программа пашам ышта. Тудын дене келшышын, еҥ-влак шке кундемыштым тӱзатымашке ушнен кертыт. Эн кӱлешанлан шотлымо проектым илышыш шыҥдараш республикын бюджетше гыч оксам ойырат. Тиде проектым илышыш пурташ кӱлшӧ кугытын ик ужашыже веле. Кодшыжым верысе администраций ден калык ешарышаш улыт. Студийышкына толшо уна чыла тиде пашам пеш сайын пала. Студийыште таче У Торъял районысо муниципал образованийым вуйлатыше Евгений Небогатиков.