17 12 2018 Поро эр, Марий Эл [слушать]

Марий кугыжаныш университетын профессоржо, историй шанче доктор В.С.Патрушев шке илыме курымыштыжо 60 гана тӱрлӧ археологий экспедицийышке лектын коштын. Шернур районысо шочмо Шӱкшер ялжым кудалтен, тудо 16 ияшак Марий педагогический институтышко тунемаш толын. Паспортшо укелан кӧра самырык рвезым тунемашыжат ынешт нал улмаш. Но тунемаш кумылжо моткоч кугу лийын, сандене студент ешышке ушнен кертын. Тыге ынде шкежат ятыр ий студент-влаклан шке палымыжым да моштымашыжым пуа. Студийышкына тудо Марий кугыжаныш университетын магистрантше, археолог-влак дене пырля экспедицийышке кок гана мийыше А.Архипова дене пырля толын.