15 05 2019 Поро эр, Марий Эл [слушать]

Шернур посёлкышто Василий Тёркинын Кубокшо верч гармоньчо-влакын Межрегиональный таҥасымашышт эртыш. Усталык конкурсыш республикын куд районжо да пошкудо кундемла гыч семмастар-влак ушненыт.  Кок тылзе жапыште эртыше фестиваль кугу гармонь пайремышке савырнен. Вес семынже, очыни, лийынжат огеш керт. Ожнысек гармонь марий калыкын веле огыл, моло-влакынат ик эн йӧратыме семӱзгаржылан шотлалтеш. Сар жапыштат тудо фронтовик-влакын поро йолташыже лийын. Кугу Отечественный сар годым коча-кована-влакын подвигыштым шарнаш да тыгак самырык-влакым гармонь дене шокташ кумылаҥдаш манын, Шернур районышто икымше гана тыгай таҥасымаш эртыш. Тӱҥ призым – гармоньым да Василий Тёркинын кубокшым Шернур районын командыже сеҥен налын.  Конкурс нерген кумданрак ме оргкомитетын вуйлатышыже Алексей Инородцев да жюрин еҥже «Марий Эл» кугыжаныш куштышо ансамбльын оркестржын тӱҥ дирижоржо Сергей Пчёлкин дене мутланена.