11 02 2019 Поро эр, Марий Эл [слушать]

Оршанка районын тале эргыже Григорий Тихоновын лӱмжӧ шочмо кундемышыже веле огыл, республикыштат да моло регионыштат палыме. Марий политехнический институтым тунем лекмеке, ял озанлыкыштат, профтехобразований системыштат, амалкалыме пашаштат тыршен. Чон йодмо пашаже – сонарлымаш. Кочаже дене пырля сонарышке 6 ияшак кошташ тӱҥалын. А 2012-шо ий Григорий Иванович сонарзе да пийым ончышо-влакын республикысе ушемыштым вуйлата.