08 08 2019 Поро эр, Марий Эл [слушать]
Тиде кечылаште Йошкар-Олаште самырык кид-мастар-влакын финн-угор фестивальышт эрта. Йоча да самырык-влакын «Эрвий» ушемышт тудым 90-ше ийла тӱҥалтыш гычак эртара. Тений тудо «Тошто йӱла самырыкын чурийже дене» проект семын илышыш шыҥдаралтеш. Фестивальышке 13 гыч 17 ияш марте ӱдыр-рвезе-влак чумыргеныт. Нуно Марий Эл, Татарстан, Удмурт, Мордва, Карел, Коми республикла, Киров, Пермь да Моско кундемла гыч улыт. Фестиваль гыч репортажым колышташ темлена…Шке шочмо калыкшын йӱлажым арала ынде 19 ий наре мӱндыр Йӱдвелне илыше мурызо, самодеятельный композитор Евгений Веденькинат. Отпускышко толмо жапыштыже тудо Марий радиошко пурен лекте да Лабытнанги олаште чумырымо марий ансамбльже нерген каласкалыш…