08 05 2019 Поро эр, Марий Эл [слушать]

Эрла 9 май пайрем. Кугу Ачамланде сар пытымылан 74 ий темеш. Кугу Сеҥымаш кече тачысе тыныслык илышлан куаныме да тыгодымак кочо, шӱлыкан пайрем. Чаманаш лиеш, Кугу Ачамланде сарым эртыше фронтовик, тылыште тыршыше ветеран-влак мемнан коклаште ий гыч ийыш шагалемын толыт. Садланак нунын шарнымашышт мыланна кызыт путырак шерге улыт. Тачысе передачыште мый Кугу Ачамланде сарын ветеранже Полина Кирилловна Александрован каласкалымыжым колышташ темлем. Полина Кирилловналан июньышто 97 ий темеш. Тудо Йошкар-Олаште ила. А шочынжо ветеран Куженер районысо Йывансолаште.