07 12 2020 "Поро эр, Марий Эл" [слушать]

Йошкар-Олаште шочын-кушшо Екатерина Шабдарова изинек марий йылмылан моткоч шӱман. Но тудым университетыште гына тунемаш тӱҥалын. Кызыт марла сайын мутлана, калыкнан йӱлажым шымла, тӱвыражым пойдарымашке шке надыржым пышта. Катя ынде икмыняр ий элнан йӱдвел рӱдолаштыже ила. Санкт-Петербургысо да Ленинград кундемысе «Ший корно» марий автономийын чолга еҥже, «Югорно» ансамбльын вуйлатышыже.