06 08 2020 "Поро эр, Марий Эл" [слушать]
Марий Элын Оршанке районжо - марий сылнымутын классикше, драматургийлан негызым пыштыше, журналист, мер пашаеҥ Яков Павлович Майоров-Шкетанын, артист, писатель, МАССР искусствын сулло деятельже Арсий Афанасьевич Волковын, артист, композитор Евгений Афанасьевич Волковын (А.А.Волковын шочмо шольыжо) да молынат шочмо мландышт. 4-ше августышто тушто, Кӧрдӧ ял воктенысе каныме базыште, самырык автор-влаклан «Кеҥеж сылнымутчо-2020» усталык семинар почылто. Тушечын репортажым колыштса. Фотошто: семинарын участникше-влак. Авторын фотожо.