06 03 2019 Поро эр, Марий Эл [слушать]

Кодшо арнян Йошкар-Оласе строительный техникумышто пашазе профессий-влакын «Навыки мудрых» лӱман региональный чемпионат эртен. Тудо моткоч ойыртемалтше лийын, вет шке йырже 50 ияш деч кугурак участник-влакым чумырен. 12 мудреч ийготышко шушо опытан еҥ кермычым отпымымаште таҥасен. Тыгай чемпионатым мемнан республикыштына але марте эртарыме огыл, тудо икымше гана лийын, «кирпичная кладка» компетенций дене. Конкурсышко чоҥышо предприятийлаште тыршыше каменщик-влак да тыгак техникумлаште производствышто пашам ыштыше-влакым туныктышо-шамыч ушненыт. Тиде чемпионат нерген передачын икымше ужашыштыже пален налаш лиеш. А кокымшыштыжо – те, пагалыме йолташна-влак, марий ӱдырамаш Елена Ошкина дене интервьюм колыштын кертыда. Ончыч тудо Йошкар-Олаште илен, чоҥымо пашаште, варажым эмлымеверыште тыршен. Кызыт Игнатьево ялыште, ача-аважын суртыштыжо озалана. Елена Геннадьевна дене ме ялысе илыш нерген да тыгак «калык педагогике» почеш кузе йочам куштымо нерген мутланышна.