05 06 2019 Поро эр, Марий Эл [слушать]
«Йӧратымаш, шӱм шокшына чылалан сита», - ойла У Торъял район Токтарсола гыч шуко шочшан ава Светлана Фоминых. Светлана Николаевна пелашыже Юрий Григорьевич дене пырля кум йочам ончен куштеныт. Икшыве-влак кугемыныт, шочмо суртым коден, шке пыжашыштым чоҥеныт. А ача-авашт угыч ныл йочам ашнаш шке ешышкышт налыныт. Фоминыхмыт да нунын гаяк йочам ашнаш налше Морко гыч Фёдоровмыт, Мари-Турек район Сардаял гыч Смирновмыт еш-влак нерген тачысе передачына каласкала. Шукерте огыл нуно Медведево посёлкысо 3-шо номеран школышто эртыше «Ешем – поянлыкем» республик кӱкшытан конкурсын участникше лийыныт.