«Марий Эл» ГТРК-ын шӧртньӧ фондшо гыч. «Товатлыме куэ» радиоспектакль

Журналист,кусарыше,драматург,критик, Марий АССР-ысе тӱвыран сулло пашаеҥже Ахмет Асылбаевич Асылбаев Башкортостанысе Дӧртыльӧ район Елтек ялыште шочын. Кок романын авторжо,икмыняр критика сынан статьям возен.Псевдонимже-Ахмет Асаев. Тудын пьесыже почеш возымо кок спектакльже,тиде «Ужара мурызо» ден «Товатлыме куэ» радиоспектакльже Марий радион шӧрлыкыштыжӧ аралалтеш. Тиде гана ме тыланда,пагалыме йолташ-влак, «Товатлыме куэ» радиоспектакльым колышташ темлена. Плёнкыш 1968-ше ийыште возымо.Рольым палыме артист-влак Степан Кузьминых,Римма Руссина, Мария Сапожникова,Юрий Рязанцев,Владимир Богданов,Дина Никифорова,Владимир Янгабышев,Тамара Степанова модыныт.Радиоспектакльым режиссёр-шамыч Георгий Константинов ден Иван Николаев шынденыт.