Йошкар-Олаште тӱзландарышаш кумдыкым ойырен налаш лиеш

                        Йошкар-Оласе калык шушаш ийын могай кумдыкым тӱзландарышашым да уэмдышашым шке ойырен налеш. Йошкар-Олан мэрже Евгений Маслов теҥгече 2022-шо ийлан олмыктышаш кумдык- влакым ойырен налме  шотышто тӱшка каҥашымаш тӱҥалме нерген увертарен. Темлымаш- влак 18-ше февраль марте налалтыт. А шошым «Йӧнан оласе кумдыкым ыштымаш» калыкле проект почеш олан могай кумдыкшо сылнешташ тӱҥалме нерген пале лиеш. Шке йӱкым кок йӧн дене пуаш лиеш. Ола администрацийыш мияш да кагазеш темлымашым возен кодаш але электрон почтыш колташ лиеш.