Йошкар-Олаште таче «Тӱвыраште у» регионысо форум торжественно почылтын
Йошкар-Олаште таче «Тӱвыраште у» регионысо форум торжественно почылтын. Тушко тӱжем утла еҥ погынен. Пайремым почмаш Республикысе курчак театрыште эртен. Тушто республикым вуйлатыше Александр Евстифеев лийын да погынышо- влакым саламлен ойлен. Тудо каласен: тӱвыра алан чолган вияҥеш. «Тӱвыра» калыкле проектлан кӧра, республикыште ялласе вич клуб олмыкталтеш. Тидлан 47 миллион теҥге окса кучылталтеш. Тиде проект кышкарыштак ойыртемалтше ныл усталык коллективым чумырымо. Тиде- йоча- влакын хорышт, духовой оркестрышт, симфонический оркестрышт, калык семӱзгар оркестрышт. Кугу событий семын Федераций Советыште Марий Элын кечыжым эртарымым шотлыман. Йошкар-Олаште у тоштер площадке- влакым почмо. Тиде историй да археологий тоштер, йоча выставке рӱдер, Благовещений башня. Калыкле сӱрет галерей негызеш Кугыжаныш Руш тоштерын филиалже- тӱвыра-выставке рӱдер почылтеш. Театр искусствым Российыште гына огыл, Англий, Германий, Китайыште да моло эллаште ончыктена. Тений ик эн тошто театр- Шкетан лӱмеш театр 100 ияш лӱмгечыжым палемдыш. Тушто кугу олмыктымо пашам шуктымо. Кызыт илышыш компьютер технологий шыҥыме жапыште тӱвыра
аланат ӧрдыжеш кодшаш огыл. Республикым вуйлатышын тиде шомакше форумын ӱжмашыже семын лиеш. Мероприятий кок кече жапыште ныл площадкыште эрта. Тушто 10 сессийыште тӱжем утла еҥ участвоватла. Форумышто материальный да материальный огыл, цифран тӱвыра поянлыкым арален кодымо йодыш ончалтеш. Тӱвыра тӧнеж ден целевой аудиторий коклаште кылым ыштыме, тоштер, книгагудо, архив- влакым цифран йӧн дене пойдарыме нерген ойлат. Форум кышкарыштак «13-шо Евсеев лудмаш» шанче-парктик конференций эрта. Форумым почмо годымак Александр Евстифеев тӱвыра пашаште ойыртемалтше- влаклан Кугыжаныш награде- влакым кучыктен.
аланат ӧрдыжеш кодшаш огыл. Республикым вуйлатышын тиде шомакше форумын ӱжмашыже семын лиеш. Мероприятий кок кече жапыште ныл площадкыште эрта. Тушто 10 сессийыште тӱжем утла еҥ участвоватла. Форумышто материальный да материальный огыл, цифран тӱвыра поянлыкым арален кодымо йодыш ончалтеш. Тӱвыра тӧнеж ден целевой аудиторий коклаште кылым ыштыме, тоштер, книгагудо, архив- влакым цифран йӧн дене пойдарыме нерген ойлат. Форум кышкарыштак «13-шо Евсеев лудмаш» шанче-парктик конференций эрта. Форумым почмо годымак Александр Евстифеев тӱвыра пашаште ойыртемалтше- влаклан Кугыжаныш награде- влакым кучыктен.