Йошкар- Олаште Руш тоштерын выставке рӱдерже почылтеш
Санкт-Петербургышто Йошкар-Олаште Руш тоштерын выставке рӱдержым почмо нерген соглашенийым пеҥгыдемдыме. Тушто эртыше Тӱнямбал тӱвыра форум кышкарыште Марий Элысе тӱвыра министр Константин Иванов ден Кугыжаныш Руш тоштерын директоржо Владимир Гусев соглашениеш шке кидыштым пыштеныт. Константин Иванов палемден: пырля вашкыл эше утларак оҥай да ойыртемалтше проект- влакым шыҥдараш полша. Тиде Россий мучко ик тӱвыра да увер кумдыкым ышташ йӧным пуа. Руш тоштерын тӱвыра-увер рӱдерже Калыкле сӱрет галерейыште верланаш тӱналеш.