Йошкар-Олаште «Дерматоскопия под открытым небом» акций лиеш

Йошкар-Олаште «Дерматоскопия под открытым небом» акций лиеш. Республикысе Кожвендиспансерын специалистше- влак 20-шо гыч 23-шо август марте тиде мероприятийым эртарат. Пандемийлан кӧра меланомым пален налме  Тӱнямбал кечылан пӧлеклалтше Виш омса кечым майыште эртарен кертын огытыл. Но тиде мероприятий пеш кӱлешан улеш. Молан манаш гын, кажне ийын тергыме годым меланомым але коваштын ракшым ончылгоч ятыр рашемдалтеш. Сандене ныл кече жапыште чыла кумылан- влакым тӱжвалне Йошкар-Оласе Курчак Театр воктене тергымашым эртараш кутырен келшыме. Уста- врач- влак чапле оборудований дене 9 гыч 13 шагат марте толшо- влакым тергаш тӱҥалыт да кап-кылыште чыла шочмо палым ончен лектыт.