Транспорт картым вашталтыме жапым 31-ше июль марте шуйымо

Транспорт картым вашталтыме жапым 31-ше июль марте шуйымо. Икымше март гыч  тошто карте дене кошташ ок лий. Эпидемиологий жаплан кӧра, тоштым у картылан 31-ше июль марте вашталташ лийме. Вашталтымылан оксам тӱлаш ок кӱл. Икымше август гыч у картым налме радам пале лиеш. У картышке оксам Россий Сбербанк гоч пыштыман. Тидлан тудын терминалжым, банкоматшым кучылтман але «Сбербанк онлайн» йӧн дене пайдаланыман. Троллейбус транспорт предприятий картыш оксам пышташ ок тӱҥал. Тудын киоскшо- влак 31-ше июль марте транспорт картым вашталтат да июнь ден июльлан проездной билетым ужалат.