МарГУ икымше фармацевт- влакым туныктен луктын
Марий Кугыжаныш университет икымше фармацевт-влакым туныктен луктын. Тыге Фармация специальность дене икымше студент-влак дипломым налыныт. 22 студент кугыжаныш экзаменым сайын кучен. Эпидемиологий ситуацийлан кӧра тергымаш изирак тӱшка- влак дене эртен. Экзамен комиссийым Пермьысе академий гыч профессор Елена Молохова вуйлатен. 22 еҥ гыч иктыже йошкар дипломым налын. Провизор-специалист- влакым сайын ямдылыме да кӱшыл шинчымашын кугыжаныш стандартше дене келшен толеш манын палемдыме.