Таче- Россий Федераций Конституцийын кечыже
Таче Россий Федераций Конституцийын кечыже палемдалтеш. Тиде пайрем дене республикысе калыкым Марий Элым вуйлатышын да Правительствын лӱмжӧ дене Александр Евстифеев саламла. Тӱҥ закон кугыжаныш кучемын шочмо да вияҥме тӱҥалтышыже лийын да элнам ӱшанлын вияҥдаш йӧным ыштен. Калыкын праважлан гарантий да тудым социал аралтыш, рынке экономике да верысе самоуправленийын пашам ыштымже- чыла тиде кызытсе Конституцийын негызше. Тудо чынлык да тӧрлык, гуманизм принципеш негызлалтше тӱшка калыкын акышкыже кугыжанышын виктаралтмыжым ончыктышо, тыныслык да келшымашлан негызым пуышо, еш поянлыкым пеҥгыдемдыше, демократийым вияҥдыше гарант семын улеш. Тӱшка Россий радамыште Марий Эл социал- экономик реформо корно дене ӱшанлын ончыко кая, шке куатшым кучылтеш, мер да политик ласкалыкым пеҥгыдемда, йылмым, йӱлам да тӱвыра поянлыкым, тӱрлӧ калыкым да юмын йӱлам арален кодаш тӧр йоным ышта. Республикысе чыла калыкым пайрем дене саламлем. Пиалым, тыныслыкым, улан илышым да пашаште сеҥымашым тыланем,- каласен республикым вуйлатыше шке саламлымашыштыже.